Shilla J Dikecam Netizen? Ini Penjelasan..
Shilla J Dikecam Netizen? Ini Penjelasan..
Kontroversi ti nyadi ukai sengaja digaga. Nya pekara ti amat nyadi. Ketegal agi ransi kitai mensia bisi iya lenyau penyabar. Ari nya tadi pansut mih post ti sepatut iya enda perlu. Nya nama iya penyilap siku-siku mensia.
Udahnya post dibuai reti iya sedar penyilap diri. Mensia ka ngasai diri empu enda kala ngaga penyilap lalu besadungka cherita. Tu mih maya enggau peluang kena meri kecaman laban iya penanyi. Enti iya orang biasa ti enda dikelala, nadai kitai mensia ka kiruh enggau post iya.
Kami sebagai company alai iya bepanggai pan enda setuju enggau pengawa iya ti ngeransi belah medsos laban iya mega ulih meri empas ngagai nama company. Bila iya jampat ngaku penyilap sereta minta ampun, company nerima penyilap ka udah digaga iya.
Bila mensia majak mayuh meri komen ti enda manah ba post ti disadung/share orang bukai, pekara tu ukai mit agi. Iya sempama kes cyberbullying ti ulih ngenyaika nama iya sereta ngasuh iya lemi ati. Siti chara kena napi kes tu, company ngasuh iya betemu enggau pegawai ba SKMM. Ketegal bisi asas cyberbullying, iya lalu ngaga report polis. Semua screenshot post enggau jaku jai ti bisi ditemu udah disimpan awakka bisi diguna udah tu ila. Ukai reti deka bebalas dendam enggau orang ti meri kecaman tang ketegal cyberbullying bisi dalam Akta Komunikasi & Multimedia 1998.
Meri terima kasih ngagai semua ka udah meri jaku ajar ti manah sereta jaku peransang ngagai iya.
Ari rurun kes tu tadi udah meri inspirasyen ngagai komposer sereta music arranger ngaga lagu Tinggal Bilun tu. Semua pengawa ngaga lagu tu tembu dalam 2 hari aja. Lagu tu nyadi siti chara iya nusi ka penyilap diri sereta minta ampun ngagai semua ti bisi terkesan.
Arapka ulih nerima lagu tu ila. Official MV Premiere Show malam tu 21/01/2023 jam 9pm.
Terima kasih.
KMP Management.
This Post Has 0 Comments